മറ്റൊരു നായയുമായി അവിഹിതബന്ധം ഉണ്ടെന്ന പേരില്‍ മൂന്നു വയസുള്ള പോമറേനിയന്‍ നായ ഉപേക്ഷിക്കപ്പെട്ടത് സാക്ഷര കേരളത്തെയാകെ ഞെട്ടിക്കുകയാണ്.ചാക്ക മാര്‍ക്കറ്റിന് സമീപം ഉപേക്ഷിക്കപ്പെട്ട നിലയില്‍ കണ്ടെത്തിയ നായയുടെ ശരീരത്ത് ഒട്ടിച്ചുവെച്ചിരുന്ന കുറിപ്പിലാണ് ഉപേക്ഷിക്കാന്‍ കാരണം അവിഹിതമാണെന്ന് കുറിച്ചിരുന്നത്. എന്നാല്‍ ഇതിനെതിരെ നിരവധി പേരാണ് ഇപ്പോള്‍ രംഗത്തെത്തിയിരിക്കുന്നത്.
ശ്രീദേവി കെ കര്‍ത്ത എന്ന മൃഗസ്നേഹി എഴുതിയിരിക്കുന്ന കുറിപ്പും വളരെ വ്യത്യസ്തമാണ്. ഒരു നായയുടെ സ്വാഭാവിക ലൈംഗിക ബന്ധത്തെ ‘അവിഹിതമായി ‘കാണുന്ന മനുഷ്യന്‍ അയാളുടെ കുട്ടികളെങ്ങാന്‍ പ്രണയിച്ചാല്‍ അവരുടെ ജീവന്‍ പോലും അപായപെടുത്തിയേക്കാന്‍ സാധ്യത ഉള്ള തരം സദാചാര ഭ്രാന്താനായ മനോരോഗിയാണെന്ന് അവര്‍ ഫേസ്ബുക്കില്‍ കുറിച്ചു.
ശ്രീദേവി കെ കര്‍ത്തയുടെ ഫേസ്ബുക്ക് പോസ്റ്റ്
‘നല്ല ഒന്നാന്തരം ഇനമാണ് .നല്ല ശീലം .അമിത ഭക്ഷണം ആവശ്യമില്ല .രോഗങ്ങള്‍ ഒന്നും ഇല്ല .അഞ്ച് ദിവസം കൂടുമ്പോള്‍ കുളിപ്പിക്കും .കുര മാത്രമേയുള്ളൂ .3വര്‍ഷമായി ആരെയും കടിച്ചിട്ടില്ല ,പാല്‍ ,ബിസ്‌ക്കറ്റ് ,പച്ച മുട്ട ഇവയാണ് പ്രധാനമായും കൊടുത്തിരുന്നത് ,അടുത്തുള്ള ഒരു പട്ടിയുമായി അവിഹിത ബന്ധം കണ്ടത് കൊണ്ടാണ് ഇപ്പോള്‍ ഉപേക്ഷിക്കുന്നത് ‘
ചാക്ക വേള്‍ഡ് മാര്‍ക്കറ്റിന്റെ മുന്നില്‍ ഉപക്ഷേക്കിപ്പെട്ട നിലയില്‍ കണ്ട ഈ പോമറേനിയനെ PFA മെമ്പര്‍ ഷമീം രക്ഷപെടുത്തിയപ്പോള്‍ ഒപ്പം കിട്ടിയ കുറിപ്പാണിത് ..എന്താണ് പറയേണ്ടതു ..ഈ എഴുതിയ മനുഷ്യന്റെ വീട്ടിലേ കുട്ടികളെ കുറിച്ച് വല്ലാത്ത ആശങ്ക തോന്നുന്നു ..ഒരു നായയുടെ സ്വാഭാവിക ലൈംഗിക ബന്ധത്തെ ‘അവിഹിതമായി ‘കാണുന്ന മനുഷ്യന്‍ അയാളുടെ കുട്ടികളെങ്ങാന്‍ പ്രണയിച്ചാല്‍ അവരുടെ ജീവന്‍ പോലും അപായപെടുത്തിയേക്കാന്‍ സാധ്യത ഉള്ള തരം സദാചാര ഭ്രാന്താനായ മനോരോഗിയാണ് ..നായകള്‍ തമ്മില്‍ വിഹിത ബന്ധം ഉണ്ടോ ? ഉണ്ടെങ്കില്‍ നമുക്ക് ആലോചിക്കാം ജാതകപൊരുത്തവും നോക്കി സ്ത്രീധനവും കൊടുത്തു ഈ നായയുടെ തന്നെ വിവാഹം നിങ്ങള്‍ നടത്തി അവിഹിത പ്രശ്നം പരിഹരിച്ചു മനഃസ്വസ്ഥത നേടൂ സഹോദര ..(ഇയാളെ കണ്ടു പിടിക്കാനുള്ള ശ്രമത്തിലാണ് . ഈ നായയെ കണ്ടു പരിചയമുള്ളവര്‍ 9567437063 എന്ന നമ്പറില്‍ വിളിക്കുക ..ഷെയര്‍ ചെയുക ..)
നേരത്തെ സംഭവത്തിനെതിരെ ഡോ. നെല്‍സണ്‍ ജോസഫിന്റെ കുറിപ്പും ചര്‍ച്ചയായിരുന്നു. ‘അടുത്തുള്ള പട്ടിയുമായി അവിഹിതബന്ധമുള്ളതുകൊണ്ട് ഉപേക്ഷിക്കുന്നുവെന്ന്.. പട്ടിയെപ്പോലും വെറുതെ വിടാത്ത സദാചാര പോലീസോ?’എന്നായിരുന്നു ഡോ. നെല്‍സണ്‍ ജോസഫ് ഫേസ്ബുക്കില്‍ കുറിച്ചത്.
നായയ്ക്കൊപ്പം ദേഹത്ത് കെട്ടിവെച്ചിരുന്ന പേപ്പറില്‍ എഴുതിയിരുന്നതിങ്ങനെ;
‘നല്ല ഒന്നാന്തരം ഇനമാണ്. നല്ല ശീലം. അമിത ഭക്ഷണം ആവശ്യമില്ല. രോഗങ്ങള്‍ ഒന്നും ഇല്ല. അഞ്ച് ദിവസം കൂടുമ്പോള്‍ കുളിപ്പിക്കും. കുര മാത്രമേയുള്ളൂ. മൂന്ന് വര്‍ഷമായി ആരേയും കടിച്ചിട്ടില്ല. പാല്‍, ബിസ്‌ക്കറ്റ്, പച്ചമുട്ടയാണ് പ്രധാനമായും കൊടുത്തിരുന്നത്. അടുത്തുള്ള ഒരു പട്ടിയുമായി അവിഹിത ബന്ധം കണ്ടതുകൊണ്ടാണ് ഉപേക്ഷിക്കുന്നത്.”
റോഡരികില്‍ പട്ടിക്കുട്ടിയെ കണ്ട യാത്രക്കാരന്‍ പി.എഫ്.എ(പീപ്പില്‍ ഫോര്‍ ആനിമല്‍) വളണ്ടിയറുമായി ബന്ധപ്പെടുകയും അദ്ദേഹം എത്തി പട്ടിക്കുട്ടിയെ ഏറ്റെടുക്കുകയുമായിരുന്നു.
